Die kykNET Buite Ekspo word baie suksesvol aangebied al sedert 2011 in Limpopo (Sondela Nature Reserve & Spa, Bela-Bela), in die Wes Kaap (Môreson Plaas, Malmesbury), in die Suid-Kaap (ATKV-Hartenbos) en nou ook in Namibië (Wanderers Sportgronde, Windhoek) Dit is primêr ‘n buitelewe produk ekspo wat die heel nuutste produkte uitstal in die 4x4, kampering en buitelewe bedryf en wat in ‘n formaat aangebied word vir die hele familie, oud en jonk. Uitstallers stal hul produkte uit soos wat dit in werklike omstandighede gebruik sal word in ‘n veilige plaas atmosfeer en daar is talle opwindende aktiwiteite wat aangebeid word by hierdie geleentheid – of jy nou 8 of 80 is! Kindervermaak, pretpark, 4X4- en adrenalien ervarings saam met ervare bestuurders van puik handelsmerke, braai kompetisies, helikopter ritte, kunstenaars wat optree, feeskos, wyntuin, biertuin en kroeë. Kinders 6 jaar oud en jonger: Toegang Gratis